വരും വര്‍ഷങ്ങളില്‍ ഏറ്റവും വലിയ ടി20 താരമാകും. ഇന്ത്യന്‍ താരത്തെ പിന്തുണച്ച് റോബിന്‍ ഉത്തപ്പ

294305 indias t20 world cup squad likely to be announced on sep 16 report

ടെസ്റ്റ് ക്രിക്കറ്റിൽ ഇന്ത്യൻ ടീമിന്റെ സൂപ്പർ താരമാണ് റിഷഭ് പന്ത്. ഇംഗ്ലണ്ടിൽ ഒരു മാച്ച് വിന്നിംഗ് സെഞ്ച്വറിയുമായി ഏകദിനത്തിലും അദ്ദേഹം തന്റെ ക്ലാസ് കാണിച്ചു. എന്നാല്‍ ടി20 ക്രിക്കറ്റില്‍ റിഷഭിന്‍റെ കഴിവിനൊത്ത പ്രകടനം കാഴ്ച്ച വയ്ക്കാന്‍ ഇതുവരെ താരത്തിനായിട്ടില്ലാ.

64 ടി 20 ഐ മത്സരങ്ങളിൽ നിന്ന്, 23.1 ശരാശരിയിൽ 970 റൺസാണ് റിഷഭ് സ്കോര്‍ ചെയ്തിരിക്കുന്നത്. ഇന്ത്യൻ പ്രീമിയർ ലീഗിൽ കളിക്കുമ്പോൾ 147.97 സ്ട്രൈക്ക് റേറ്റില്‍ ബാറ്റ് വീശുമ്പോള്‍ രാജ്യാന്തര ക്രിക്കറ്റിലെ സ്‌ട്രൈക്ക് റേറ്റ് 127.3 ആണ്.

ടി20 ലോകകപ്പിൽ വിക്കറ്റ് കീപ്പർ-ബാറ്ററായ ദിനേഷ് കാർത്തിക്കിനെയാണ് ടീം മാനേജ്‌മെന്റ് തിരഞ്ഞെടുത്തത്. ഇംഗ്ലണ്ടിനെതിരായ സെമി ഫൈനൽ ഉൾപ്പെടെ രണ്ട് മത്സരങ്ങൾ പന്തിന് കളിക്കാനായെങ്കിലും ടൂർണമെന്റിൽ തന്റെ മുദ്ര പതിപ്പിക്കാനായില്ല. രണ്ട് മത്സരങ്ങളിൽ നിന്ന് ഒമ്പത് റൺസ് മാത്രമാണ് നേടിയത്.

Dinesh Karthik Rishabh Pant Twitter 1

ഇപ്പോഴിതാ ബാറ്റിംഗ് ഓർഡറിലെ ഒരു പ്രമോഷൻ റിഷഭ് പന്തിലെ മികച്ചത് പുറത്തെടുക്കുമെന്നും പറയുകയാണ് റോബിന്‍ ഉത്തപ്പ.

“റിഷഭ് പന്ത് ന്യൂസിലൻഡ് പരമ്പരയിൽ ഇന്നിംഗ്‌സ് ഓപ്പൺ ചെയ്യണം, അവൻ തീർച്ചയായും ടോപ്പ് ഓർഡറില്‍ കളിക്കണം. ടി20 ക്രിക്കറ്റിൽ, അവിടെയാണ് അദ്ദേഹം അവന്‍ ഏറ്റവും മികച്ച പ്രകടനം കാഴ്ചവെച്ചതെന്ന് ഞാൻ കരുതുന്നു, അവിടെയാണ് അദ്ദേഹം മുന്നോട്ട് പോകുന്നതും. “ഉത്തപ്പ പറഞ്ഞു.

Read Also -  മൂന്നാം വിജയവുമായി ഇന്ത്യ. കരുതലോടെ കളിച്ച് ഇന്ത്യ സൂപ്പര്‍ 8 ല്‍

വരും വർഷങ്ങളിൽ ടി20 ക്രിക്കറ്റിൽ ഒരു വലിയ താരമായി റിഷഭ് പന്ത് ഉയർന്നുവരുമെന്നും പന്തിനെ ഉത്തപ്പ പിന്തുണച്ചു.

RISHAB PANT VS PAKISTAN

“അദ്ദേഹം ഒരു മാച്ച് വിന്നർ ആണ്, ഒരു ഗെയിം ചേഞ്ചറാണ്, കൂടാതെ അദ്ദേഹത്തിന് തന്റെ ബാറ്റിംഗ് കൊണ്ട് ഇന്ത്യയ്‌ക്കായി ഒറ്റയ്ക്ക് മത്സരങ്ങൾ എളുപ്പത്തിൽ ജയിക്കാൻ കഴിയും. അടുത്ത 10 വർഷത്തിനുള്ളിൽ അദ്ദേഹം ടി20 ക്രിക്കറ്റിലെ ഒരു വലിയ കളിക്കാരനാകുമെന്ന് ഞാൻ കരുതുന്നു,” ഉത്തപ്പ കൂട്ടിചേര്‍ത്തു.

ഇന്ത്യയുടെ ന്യൂസിലൻഡ് പര്യടനത്തിനുള്ള ടി20, ഏകദിന ടീമിലാണ് പന്ത് ഇപ്പോൾ ഉള്ളത്. പര്യടനത്തിനുള്ള വൈറ്റ് ബോൾ ക്രിക്കറ്റിൽ അദ്ദേഹത്തെ വൈസ് ക്യാപ്റ്റനായും നിയമിച്ചിട്ടുണ്ട്.

Scroll to Top