ദക്ഷിണാഫ്രിക്കകെതിരെയുള്ള ടി20 പരമ്പരയിലെ നാലാം മത്സരത്തില് ടോസ് നഷ്ടമായി ബാറ്റിംഗിനയകപ്പെട്ട ഇന്ത്യ നിശ്ചിത 20 ഓവറില് 169 റണ്സ് നേടിയത്. ടോപ്പ് ഓഡര് തകര്ച്ചക്ക് ശേഷം ഹാര്ദ്ദിക്ക് പാണ്ട്യ – ദിനേശ് കാര്ത്തിക് എന്നിവരുടെ ഫിനിഷിങ്ങ് പ്രകടനമാണ് മികച്ച സ്കോറിലേക്ക് നയിച്ചത്.
81 ന് 4 എന്ന നിലയില് നിന്നും ഹാര്ദ്ദിക്ക് പാണ്ട്യയും ദിനേശ് കാര്ത്തികും 140 നു മുകളില് എത്തിച്ചു. ഇരുവരും ചേര്ന്ന് 33 പന്തില് 65 റണ്സാണ് കൂട്ടിചേര്ത്തത്. ഐപിഎല് പ്രകടനത്തിലൂടെ ടീമില് തിരിച്ചെത്തിയ ദിനേശ് കാര്ത്തികാണ് ടീമിന്റെ ടോപ്പ് സ്കോററായത്.
![27 പന്തില് 55. സൂപ്പര് ഫിനിഷുമായി ദിനേശ് കാര്ത്തിക്. കരിയറിലെ ആദ്യ ഫിഫ്റ്റി 3 DK FINISHING VS SA](https://sportsfan.in/wp-content/uploads/2022/06/DK-FINISHING-VS-SA-1024x1024.jpg)
രാജ്യാന്തര ക്രിക്കറ്റിലെ തന്റെ ആദ്യ അര്ദ്ധസെഞ്ചുറിയാണ് ദിനേശ് കാര്ത്തിക് ഇന്ന് നേടിയത്. അവസാന ഓവറിലെ രണ്ടാം പന്തില് പുറത്താകുമ്പോള് 27 പന്തില് 9 ഫോറും 2 സിക്സും അടക്കം 55 റണ്സ് നേടി. അവസാന 5 ഓവറില് 73 റണ്സാണ് ഇന്ത്യന് ഇന്നിംഗ്സില് പിറന്നത്. ആദ്യ പത്തോവറില് വെറും 56 റണ്സ് മാത്രമാണ് ഇന്ത്യന് സ്കോര് ബോര്ഡില് ഉണ്ടായിരുന്നത്.
![27 പന്തില് 55. സൂപ്പര് ഫിനിഷുമായി ദിനേശ് കാര്ത്തിക്. കരിയറിലെ ആദ്യ ഫിഫ്റ്റി 4 374277df 4159 4ae1 bbc4 c64ef0c40272](https://sportsfan.in/wp-content/uploads/2022/06/374277df-4159-4ae1-bbc4-c64ef0c40272-1024x682.webp)
പ്രെട്ടോറീയൂസിനെ സിക്സ് പറത്തിയാണ് ദിനേശ് കാര്ത്തിക് അര്ദ്ധസെഞ്ചുറി തികച്ചത്. അടുത്ത പന്തില് ബൗണ്ടറി ശ്രമത്തിനിടെയാണ് ദിനേശ് കാര്ത്തിക് പുറത്തായത്. തകര്പ്പന് പ്രകടനത്തോടെ ദിനേശ് കാര്ത്തിക്, ടി20 ലോകകപ്പ് സ്ക്വാഡില് എത്താനുള്ള സാധ്യത വര്ധിക്കുകയാണ്.