ഇംഗ്ലീഷ് ആഭ്യന്തര സീസണിൽ സസെക്സിനായി കളിച്ചുകൊണ്ടിരിക്കുന്ന ചേതേശ്വര് പൂജാര, സീസണിലെ തന്റെ മൂന്നാമത്തെ ലിസ്റ്റ് എ സെഞ്ച്വറി നേടി. നടന്നുകൊണ്ടിരിക്കുന്ന റോയൽ ലണ്ടൻ ഏകദിന കപ്പിൽ സസെക്സും മിഡിൽസെക്സും തമ്മിലുള്ള ഏറ്റുമുട്ടലിൽ, ഇന്ത്യൻ ബാറ്റർ വെറും 90 പന്തിൽ 132 റൺസ് അടിച്ചെടുത്തു. 20 ബൗണ്ടറികളും രണ്ട് സിക്സും അടങ്ങുന്നതാണ് പൂജാരയുടെ ഈ ഇന്നിംഗ്സ്.
സസെക്‌സ് മികച്ച ബാറ്റിംഗ് പ്രകടനം പുറത്തെടുത്തപ്പോൾ പൂജാര വെറും 75 പന്തിൽ മൂന്നക്കത്തിലെത്തി. 155 പന്തിൽ 189 റൺസ് നേടി പുറത്താകാതെ നിന്ന ഓപ്പണർ ടോം അൽസോപ്പിനൊപ്പം 240 റണ്‍സ് കൂട്ടുകെട്ടാണ് പൂജാര ഉയര്‍ത്തിയത്.
ഇതുവരെ, എട്ട് മത്സരങ്ങളിൽ നിന്ന്, 116.28 സ്‌ട്രൈക്ക് റേറ്റിൽ 614 റൺസാണ് പൂജാര നേടിയത്. മൂന്ന് സെഞ്ചുറികൾക്ക് പുറമെ ടൂർണമെന്റിൽ ഇതുവരെ രണ്ട് അർധസെഞ്ചുറികളും പൂജാര നേടിയിട്ടുണ്ട്.
തന്റെ ബാറ്റിംഗിന്റെ ബലത്തിൽ, ലിസ്റ്റ് എ ക്രിക്കറ്റിൽ പൂജാര തന്റെ ശരാശരി 57.49 ആയി ഉയർത്തി, അദ്ദേഹത്തിന്റെ ശരാശരി വിരാട് കോഹ്‌ലി (56.50), ബാബർ അസം (56.56) എന്നിവരേക്കാൾ ഉയർന്നതാണ്, 50-ലധികം ഇന്നിംഗ്‌സുകളുള്ള ഏതൊരു ബാറ്ററുടെയും ലിസ്റ്റ് എ ക്രിക്കറ്റിലെ ഏറ്റവും മികച്ച മൂന്നാമത്തെ ശരാശരിയുള്ള പൂജാരയുടെ മുന്നില്‍ ഇപ്പോൾ സാം ഹെയ്‌നും മൈക്കൽ ബെവനും മാത്രമാണ് ഉള്ളത്.
Highest batting averages in List-A cricket (min 50 inns) :
- 58.84 – Sam Hain
- 57.86 – Michael Bevan
- 57.49 – CHETESHWAR PUJARA
- 56.56 – Babar Azam
- 56.50 – Shan Masood
- 56.50 – Virat Kohli
- 54.73 – Ruturaj Gaikwad
ലിസ്റ്റ് എ ക്രിക്കറ്റിലെ തന്റെ അവിശ്വസനീയമായ റെക്കോർഡ് ഉണ്ടായിരുന്നിട്ടും, പൂജാര ഇന്ത്യക്കായി അഞ്ച് ഏകദിന മത്സരങ്ങൾ മാത്രമേ കളിച്ചിട്ടുള്ളൂ, അതിൽ 51 റൺസാണ് താരം നേടിയട്ടുള്ളു. 2014ൽ ബംഗ്ലാദേശിനെതിരെയാണ് അവസാനമായി 50 ഓവർ ക്രിക്കറ്റിൽ കളിച്ചത്.
| Runs | BF | 4s | 6s | SR | Opposition |
|---|---|---|---|---|---|
| 13 | 24 | 2 | 0 | 54.16 | Zimbabwe |
| 0 | 4 | 0 | 0 | 0 | Zimbabwe |
| 0 | 5 | 0 | 0 | 0 | Bangladesh |
| 11 | 34 | 0 | 0 | 32.35 | Bangladesh |
| 27 | 63 | 2 | 0 | 42.85 | Bangladesh |
