ടെസ്റ്റ് മത്സരങ്ങളില്‍ ഒരു ടീമിനെതിരെ 1000 റണ്‍സും 100 വിക്കറ്റ് നേട്ടവും കൈവരിക്കുന്ന ആദ്യ താരമായി രവിചന്ദ്ര അശ്വിന്‍. റാഞ്ചിയില്‍ ഇംഗ്ലണ്ടിനെതിരെ നടക്കുന്ന നാലാം ടെസ്റ്റിലാണ് അശ്വിന്‍ ഈ നേട്ടം കൈവരിച്ചത്.
ജോണി ബെയര്‍സ്റ്റോയെ പുറത്താക്കിയാണ് അശ്വിന്‍ ഈ റെക്കോഡില്‍ എത്തിയത്. ഈ നേട്ടം കൈവരിക്കുന്ന ഏഴാമത്തെ താരമാണ് രവിചന്ദ്ര അശ്വിന്‍.
23 മത്സരങ്ങളില്‍ നിന്നുമാണ് ഇന്ത്യന്‍ സ്പിന്‍ ഓള്‍റൗണ്ടറുടെ ഈ നേട്ടം. 22 മത്സരങ്ങളില്‍ നിന്നും ഓസ്ട്രേലിയക്കെതിരെ ഈ നേട്ടം കൈവരിച്ച ഇംഗ്ലണ്ടിന്‍റെ ഇതിഹാസ ഓള്‍റൗണ്ടര്‍ ഇയാന്‍ ബോതമാണ്, ഏറ്റവും വേഗത്തില്‍ ഈ റെക്കോഡില്‍ എത്തിയിരിക്കുന്നത്.
ഈ ടെസ്റ്റ് പരമ്പരയില്‍ 500 ടെസ്റ്റ് വിക്കറ്റ് എന്ന നേട്ടവും അശ്വിന്‍ സ്വന്തമാക്കിയിരുന്നു. ഏറ്റവും വേഗത്തില്‍ 500 ടെസ്റ്റ് വിക്കറ്റ് എന്ന കുംബ്ലെയുടെ റെക്കോഡും മറികടന്നിരുന്നു.
