പോർട്ട് ഓഫ് സ്പെയിനിൽ നടന്ന ഏകദിന പരമ്പരയിലെ ആദ്യ മത്സരത്തിൽ വെസ്റ്റ് ഇൻഡീസിനെതിരെ മൂന്ന് റൺസിന്റെ ജയം ഇന്ത്യ സ്വന്തമാക്കിയിരുന്നു. അവസാന ഓവറിൽ 15 റൺസ് ഇന്ത്യ പ്രതിരോധിച്ചു. ആദ്യം ബാറ്റ് ചെയ്ത ഇന്ത്യ ക്യാപ്റ്റൻ ശിഖർ ധവാൻ, ശുഭ്മാൻ ഗിൽ, വൈസ് ക്യാപ്റ്റൻ ശ്രേയസ് അയ്യർ എന്നിവരുടെ അര്‍ദ്ധസെഞ്ചുറിയിലാണ് മികച്ച സ്കോറിലേക്ക് എത്തിയത്.
ധവാനും ഗില്ലും ഒന്നാം വിക്കറ്റിൽ 119 റൺസിന്റെ ശക്തമായ കൂട്ടുകെട്ടുണ്ടാക്കിയപ്പോൾ, ഇംഗ്ലണ്ടിനെതിരായ അവസാന രണ്ട് ഏകദിനങ്ങളിൽ കളിക്കാതിരുന്ന്, ഏകദിന ഇലവനിൽ തിരിച്ചെത്തിയ അയ്യർ 54 റൺസ് നേടി. സൂര്യകുമാര്‍ യാദവിന്‍റെ സ്ഥിരതയാര്‍ന്ന പ്രകടനം കാരണം അയ്യര്‍ക്ക് ടീമില്‍ സ്ഥാനം ലഭിക്കുന്നില്ലാ.
ഇംഗ്ലണ്ടിനെതിരെ അയ്യർക്ക് നഷ്ടമായ രണ്ട് ഏകദിനങ്ങളിൽ വിരാട് കോഹ്ലി, ഋഷഭ് പന്ത്, സൂര്യകുമാർ യാദവ് എന്നിവരാണ് മധ്യനിരയില്‍ എത്തിയത്. അയ്യരുടെ തന്റെ പ്ലെയിംഗ് ഇലവൻ സ്ഥാനം അപകടത്തിലാണെന്ന് പറയുകയാണ് മുൻ ഇന്ത്യൻ ബൗളർ അജിത് അഗാർക്കർ
“കാര്യങ്ങൾ മാറി, അല്ലേ? തന്റെ സ്ഥാനം ചെറുതായി നഷ്‌ടപ്പെടാൻ സാധ്യതയുള്ള ഒരാളാണ് അയ്യര്‍. സൂര്യകുമാർ യാദവ് എത്ര നന്നായി കളിച്ചു എന്ന് നമുക്കറിയാം. കൂടാതെ, മറ്റൊരു പ്രശ്‌നമുണ്ട്.. അവൻ പ്രവർത്തിക്കേണ്ട രണ്ട് കാര്യങ്ങളിൽ അവന്റെ ഷോർട്ട് ബോൾ പ്രശ്‌നവും ഉൾപ്പെടുന്നു, ”അഗാർക്കർ ഫാൻകോഡിലെ ഷോയില്‍ പറഞ്ഞു.
“ഇന്ന് അവൻ ചെയ്ത ഒരു കാര്യം അവൻ (ഷോർട്ട്) പന്ത് വിട്ടു എന്നതാണ്. നിങ്ങൾക്ക് രണ്ട് ബൗൺസറുകൾ മാത്രമേ എറിയാൻ കഴിയൂ. അതിനാൽ, നിങ്ങൾ അത് ഒഴിവാക്കുന്നതാണ് നല്ലത്, കാരണം ആ ഷോട്ട് അവനിലേക്ക് സ്വാഭാവികമായി വരുന്നില്ല. അവൻ സെറ്റ് ചെയ്തുകഴിഞ്ഞാൽ, ആ ഡെലിവറികൾ കളിക്കാനായേക്കും. അതിനാൽ, അവൻ വളരെ നേരത്തെ ആ ഷോട്ടുകള്‍ കളിക്കാന്‍ പാടില്ലാ അദ്ദേഹത്തിന് മതിയായ കഴിവുണ്ട്,” അഗാർക്കർ പറഞ്ഞു.