സൗത്താഫ്രിക്കകെതിരെയുള്ള മുന്നു മത്സരങ്ങളടങ്ങിയ ടെസ്റ്റ് പരമ്പരയില്‍ നിന്നും രോഹിത് ശര്‍മ്മ പുറത്ത്. നെറ്റ്സ് പരിശീലനത്തിനിടെ പരിക്കേറ്റതിനെ തുടര്‍ന്നാണ് രോഹിത് ശര്‍മ്മ പുറത്തായത്. പകരക്കാരനായി സൗത്താഫ്രിക്കന്‍ A ടീമിനെതിരെ ഇന്ത്യന്‍ A ടീമിനെ നയിച്ച പ്രിയങ്ക് പാഞ്ചല്‍ പകരക്കാരനായി എത്തും. ടീമിന്‍റെ വൈസ് ക്യാപ്റ്റന്‍ ആര് എന്ന് ഇതുവരെ പ്രഖ്യാപിച്ചട്ടില്ല.
ഏകദിന മത്സരങ്ങളിലെ രോഹിത് ശര്‍മ്മയുടെ പങ്കാളിത്തം ഇതുവരെ വ്യക്തമായിട്ടില്ല. വീരാട് കോഹ്ലിക്ക് പകരം രോഹിത് ശര്‍മ്മയെ ലിമിറ്റഡ് ഓവര്‍ ക്യാപ്റ്റനായി പ്രഖ്യാപിച്ചത് ഈയിടെയാണ്. രോഹിത് ശര്‍മ്മയുടെ പരിക്ക് വളരെ ഗൗരവമേറിയത് എന്നാണ് റിപ്പോര്‍ട്ടുകള്‍.
നേരത്തെ ന്യൂസിലന്‍റിനെതിരെയുള്ള ടെസ്റ്റ് പരമ്പരയില്‍ രോഹിത് ശര്‍മ്മക്ക് വിശ്രമം അനുവദിച്ചിരുന്നു. ഡിസംമ്പര്‍ 26 നാണ് ടെസ്റ്റ് പരമ്പര ആരംഭിക്കുന്നത്. ഡിസംമ്പര്‍ 16 ന് ഇന്ത്യ സൗത്താഫ്രിക്കയിലേക്ക് യാത്ര തിരിക്കും. ലോക ടെസ്റ്റ് ചാംപ്യന്‍ഷിപ്പിന്‍റെ ഭാഗമാണ് സൗത്താഫ്രിക്കകെതിരെയുള്ള 3 മത്സരങ്ങള്‍.
