ക്യാപ്റ്റനായ കെല്‍ രാഹുല്‍ മറക്കാന്‍ ആഗ്രഹിക്കുന്ന ഒരു പരമ്പരയാണ് അവസാനിച്ചത്. ഏകദിന ക്യാപ്റ്റനായി നിയമിച്ച രോഹിത് ശര്‍മ്മ പരിക്കേറ്റതോടെ കെല്‍ രാഹുല്‍ ക്യാപ്റ്റനാവുകയായിരുന്നു. എന്നാല്‍ ഒരു മത്സരത്തില്‍പ്പോലും കെല്‍ രാഹുലിനു ഇന്ത്യയെ വിജയത്തിലേക്ക് എത്തിക്കാന്‍ സാധിച്ചില്ലാ.
മൂന്നു മത്സരങ്ങളടങ്ങിയ പരമ്പരയില്‍ സൗത്താഫ്രിക്ക വെള്ള പൂശി. ഇത് അഞ്ചാം തവണെയാണ് ഇന്ത്യ ഏകദിന പരമ്പരകളില്‍ എല്ലാ മത്സരവും തോല്‍ക്കുന്നത്. അത് മാത്രമല്ലാ ഇതാദ്യമായാണ് ഒരു ഇന്ത്യന്‍ നായകന്‍ നയിച്ച ആദ്യ മൂന്നു ഏകദിന മത്സരങ്ങളും ഇന്ത്യ തോല്‍ക്കുന്നത്. അജിത് വഡേക്കര്‍, ദിലീപ് വെങ്ങാസ്കര്‍, കെ ശ്രീകാന്ത്, മുഹമ്മദ് അസ്ഹറുദ്ദീന്‍ എന്നിവര്‍ നായകരായി ആദ്യത്തെ രണ്ട് മത്സരങ്ങള്‍ തോല്‍വി നേരിട്ടട്ടുണ്ട്.
നേരത്തെ ടെസ്റ്റ് ക്യാപ്റ്റനായിരുന്ന വീരാട് കോഹ്ലിക്ക് പരിക്കേറ്റപ്പോള്‍ ടീമിനെ നയിച്ചത് രാഹുലായിരുന്നു. ആ മത്സരവും ഇന്ത്യ തോല്‍വി നേരിട്ടിരുന്നു.
ബാറ്ററായും കെല്‍ രാഹുലിനു തിളങ്ങാനാവത്ത പരമ്പരയാണ് കഴിഞ്ഞു പോയത്. 3 ടെസ്റ്റില്‍ നിന്നായി 226 റണ്‍സും 3 ഏകദിനത്തില്‍ നിന്നും 76 റണ്‍സുമായി ഇന്ത്യന്‍ ഓപ്പണര്‍ നേടിയത്.
