അടുത്ത വര്‍ഷം കളത്തിലേക്ക് തിരിച്ചെത്തുമെന്ന് പ്രഖ്യാപിച്ചു ഞെട്ടിച്ചതിനു പിന്നാലെ ആരാധകര്‍ക്ക് സര്‍പ്രൈസുമായി മുന്‍ ഇന്ത്യന്‍ ക്രിക്കറ്റ് താരം യുവരാജ് സിങ്ങ്. ജീവിതത്തിലെ രണ്ടാം ഇന്നിംഗ്സിനെ പറ്റി സൂചന നല്‍കുന്ന വീഡിയോ പങ്കുവച്ചാണ് ആരാധകരെ ആകാംഷ ഭരിതരാക്കുന്നത്.
ഇതാണ് ആ സമയമെന്ന് പറയുന്ന യുവരാജ് സിങ്ങ് എല്ലാവര്‍ക്കുമായി വലിയൊരു സര്‍പ്രൈസ് കാത്തുവച്ചിട്ടുണ്ടെന്നും ആ സര്‍പ്രൈസിനായി കാത്തിരിക്കാനും യുവരാജ് ആവശ്യപ്പെടുന്നുണ്ട്.
2019 ല്‍ രാജ്യാന്തര ക്രിക്കറ്റില്‍ നിന്നും വിരിമിച്ച ഇന്ത്യന്‍ ഓള്‍റൗണ്ടര്‍ ഫെബ്രുവരിയില്‍ തിരികെയെത്തുമെന്ന സൂചനകള്‍ നല്‍കിയിരുന്നു. അതിനു പിന്നാലെയാണ് ഇന്നത്തെ പോസ്റ്റ്.
2019 ല്‍ വിരമിച്ച താരം ലോകത്തിന്‍റെ വിവിധ ഭാഗങ്ങളില്‍ നടക്കുന്ന ക്രിക്കറ്റ് ലീഗുകളില്‍ ഭാഗമായിരുന്നു. ജിട്വന്റി20 ലീഗിൽ ടൊറന്റോ നാഷനൽസിനായി കളിച്ചിട്ടുണ്ട്. അബുദാബി ടി10 ടൂർണമെന്റിൽ മറാത്ത അറേബ്യൻസിനായി കളിച്ചു. 2021 മാർച്ചിൽ റോഡ് സേഫ്റ്റി സീരിസിലാണ് ഏറ്റവും ഒടുവിൽ യുവരാജിനെ കളത്തിൽ കണ്ടത്
