കഴിഞ്ഞ രണ്ട് ദശകങ്ങളായി ലോകകപ്പിൽ തുടർന്നിരുന്ന ശാപമായിരുന്നു ചാമ്പ്യൻ ശാപം. ഇന്ന് അതിന് അന്ത്യം വന്നിരിക്കുകയാണ്. ഡെന്മാർക്കിനെതിരെ ഫ്രാൻസ് വിജയിച്ചതോടെയാണ് ചാമ്പ്യൻ ശാപത്തിന് അവസാനം ആയത്. ഡെന്മാർക്കിനെതിരെ ഒന്നിനെതിരെ 2 ഗോളുകൾക്ക് ആയിരുന്നു ചാമ്പ്യന്മാരുടെ വിജയം.
ചാമ്പ്യൻ ശാപം എന്നുവച്ചാൽ ലോകകപ്പ് കിരീടം നേടുന്ന ടീം തൊട്ടടുത്ത ലോകകപ്പിൽ ഗ്രൂപ്പ് ഘട്ടത്തിൽ പുറത്താകും എന്നായിരുന്നു. എന്നാൽ ഇന്ന് ഡെന്മാർക്കിനെതിരെ വിജയിച്ച് പ്രീക്വാർട്ടറിൽ കടന്നതോടെ ആ വിശ്വാസത്തിനാണ് അവസാനം വന്നിരിക്കുന്നത്. ഫ്രാൻസ് തന്നെയാണ് ഈ ശാപം തുടങ്ങിവച്ചത്. 1998 ലോകകപ്പിൽ ഫ്രാൻസ് കിരീടം ഉയർത്തിയത് മുതലായിരുന്നു ചാമ്പ്യന്മാരെ ഈ ദുരിതം വേട്ടയാടാൻ തുടങ്ങിയത്.
1998 കിരീടം നേടി 2002 വേൾഡ് കപ്പിന് എത്തിയ ഫ്രാൻസ് ആദ്യ റൗണ്ടിൽ തന്നെ പുറത്തായി. ഞെട്ടലോടെ ഫുട്ബോൾ ലോകം ആ കാഴ്ച കണ്ടത്. 2002ൽ കിരീടം ഉയർത്തിയ ബ്രസീൽ 2006ൽ ഗ്രൂപ്പ് ഘട്ടത്തിൽ പുറത്തായില്ലെങ്കിലും ആ വർഷം കിരീടം നേടിയ ഇറ്റലി അടുത്ത ലോകകപ്പിൽ ഗ്രൂപ്പ് ഘട്ടത്തിൽ വീണു. ആ ലോകകപ്പിൽ ചാമ്പ്യന്മാരായത് സ്പെയിൻ ആയിരുന്നു.
2014 ലോകകപ്പിലെ ഗ്രൂപ്പ് ഘട്ടത്തിൽ സ്പാനിഷ് വമ്പന്മാരും ആ ശാപത്തിൽ വീണു. ആ തവണ ലോക ചാമ്പ്യന്മാരായ ജർമ്മനി റഷ്യൻ ലോകകപ്പിലെ ഗ്രൂപ്പ് ഘട്ടത്തിൽ തോറ്റു പുറത്തായി. കഴിഞ്ഞ തവണ കിരീടം ഉയർത്തിയ ഫ്രാൻസ് ഇന്ന് ആ ശാപം അവസാനിപ്പിക്കുകയായിരുന്നു. ഗ്രൂപ്പ് ഘട്ടത്തില്‍ തുടര്‍ച്ചയായ വിജയവുമായി ഫ്രാന്‍സ് നോക്കൗട്ടില്‍ എത്തി.
