ഇറ്റാലിയന്‍ ഗോള്‍കീപ്പര്‍ ഡൊണറുമ്മ ഇനി പിഎസ്ജിക്ക് വേണ്ടി കളിക്കും. സിരീ ഏ ക്ലബായ ഏസി മിലാനില്‍ കരാര്‍ അവസാനിച്ചതിനെ തുടര്‍ന്നാണ് ഡൊണറുമ്മ ലീഗ് വണില്‍ എത്തിയത്. 5 വര്‍ഷത്തെ കരാറില്‍ ടീമിലെത്തിയ താരം 2026 വരെ തുടരും.
ഇക്കഴിഞ്ഞ യൂറോകപ്പ് നേടിയ ഇറ്റലി ടീമിലെ ഗോള്‍കീപ്പറാണ് ഡൊണറുമ്മ. പെനാല്‍റ്റി ഷൂട്ടൗട്ടില്‍ ഇംഗ്ലണ്ടിനെ തോല്‍പ്പിച്ച് കിരീടം നേടുമ്പോള്‍ ഡൊണറുമ്മ രണ്ട് പെനാല്‍റ്റി കിക്കുകള്‍ തടഞ്ഞിട്ടിരുന്നു.
Buongiorno 🧤#WelcomeGigio pic.twitter.com/jqyRdRjcLa
— Paris Saint-Germain (@PSG_inside) July 14, 2021
2015 ല്‍ 16ാം വയസ്സിലാണ് ഡൊണറുമ്മ ഏസി മിലാനില്‍ എത്തുന്നത്. അവിടെ 215 സിരീ ഏ മത്സരങ്ങള്‍ കളിച്ചു. 2016 ല്‍ ഇറ്റാലിയന്‍ സൂപ്പര്‍ കോപ്പാ കിരീടം നേടി. ഇക്കഴിഞ്ഞ ലീഗ് സീസണില്‍ ബെസ്റ്റ് ഗോള്‍കീപ്പര്‍ അവാര്‍ഡുമായാണ് ഡൊണറുമ്മ സിരീ ഏ വിടുന്നത്.
