ടീം ഇന്ത്യയുടെ വിക്കറ്റ് കീപ്പറും ഫിനഷറുമായ ദിനേശ് കാര്‍ത്തിക് അശ്വിനോട് രസകരമായി നന്ദി പറയുന്നത് സോഷ്യല്‍ മീഡിയയില്‍ വൈറലായി. നെതര്‍ലണ്ടിനെതിരെയുള്ള മത്സരത്തിനായി സിഡ്നിയിലേക്കുള്ള യാത്രയുടെ വീഡിയോയിലാണ് കാര്‍ത്തികിന്‍റെ നന്ദി പറച്ചില്‍.
ലോകകപ്പിലെ ഇന്ത്യയുടെ ആദ്യ മത്സരത്തില്‍ പാക്കിസ്ഥാനെതിരെ 2 പന്തില്‍ 2 റണ്‍ വേണം എന്ന സാഹചര്യത്തില്‍ ദിനേശ് കാര്‍ത്തിക് സ്റ്റംപിങ്ങ് ചെയ്യപ്പെട്ടിരുന്നു. പിന്നീടെത്തിയ അശ്വിനാണ് ടീം ഇന്ത്യയെ വിജയത്തില്‍ എത്തിച്ചത്.
ഒരു ഘട്ടത്തില്‍ താന്‍ കാരണം പരാജയപ്പെട്ടേക്കാവുന്ന മത്സരം വിജയിപ്പിച്ചതിനു കടപ്പാടായാണ് കാര്‍ത്തിക് നന്ദി പറഞ്ഞത്.
