ഇന്ത്യന്‍ പ്രീമിയര്‍ ലീഗില്‍ ക്യാച്ചില്‍ സെഞ്ചുറിയടിച്ച് വിരാട് കോഹ്ലി. രാജസ്ഥാന്‍ റോയല്‍സിനെതിരെയുള്ള പോരാട്ടത്തിലാണ് വിരാട് കോഹ്ലി, ഈ നാഴികകല്ല് പിന്നിട്ടത്. 12ാം ഓവറില്‍ ഡേവിഡ് വില്ലിയുടെ പന്തില്‍ ദേവ്ദത്ത് പഠിക്കലിനെ പിടികൂടിയാണ് വിരാട് കോഹ്ലി ഈ നേട്ടത്തില്‍ എത്തിയത്.
ഐപിഎല്ലില്‍ 100 ക്യാച്ച് നേടുന്ന മൂന്നാമത്തെ താരമാണ് വിരാട് കോഹ്ലി. 109 ക്യാച്ചുള്ള റെയ്നയും 103 ക്യാച്ചുള്ള പൊള്ളാര്‍ഡുമാണ് കോഹ്ലിയുടെ മുന്‍പില്‍ ഉള്ളത്. വിരാട് കോഹ്ലിയുടെ പുറകില്‍ 98 ക്യാച്ചുമായി രോഹിത് ശര്‍മ്മയും ഉണ്ട്.
മത്സരത്തില്‍ 7 റണ്‍സിന്‍റെ വിജയമാണ് റോയല്‍ ചലഞ്ചേഴ്സ് ബാംഗ്ലൂര്‍ സ്വന്തമാക്കിയത്. 190 റണ്‍സ് വിജയലക്ഷ്യവുമായി ഇറങ്ങിയ രാജസ്ഥാന്‍ റോയല്‍സിനു നിശ്ചിത 20 ഓവറില്‍ 182 റണ്‍സില്‍ എത്താനാണ് സാധിച്ചത്. മത്സരം നയിച്ച വിരാട് കോഹ്ലി, ആദ്യ പന്തില്‍ തന്നെ പുറത്തായിരുന്നു.
