ഇംഗ്ലണ്ടിനെതിരായ ടി20 പരമ്പരയില്‍ അരങ്ങേറ്റം കുറിക്കാമെന്നുള്ള പുതുമുഖ സ്പിന്നർ വരുൺ ചക്രവര്‍ത്തിയുടെ ആഗ്രഹങ്ങൾക്ക് വീണ്ടും തിരിച്ചടി .താരം ഇംഗ്ലണ്ട് എതിരായ ടി:20 പരമ്പര കളിച്ചേക്കില്ല. ഇന്ത്യന്‍ താരങ്ങള്‍ക്ക് ബിസിസിഐ ഏര്‍പ്പെടുത്തിയ ഫിറ്റ്‌നെസ് ടെസ്റ്റില്‍ താരം പൂർണ്ണമായി പരാജയപ്പെട്ടന്നാണ് പുറത്തുവരുന്ന വാര്‍ത്തകള്‍. ഇതോടെ താരത്തിന്റെ ഇന്ത്യൻ ടീമിലെ അരങ്ങേറ്റം തുലാസ്സിലായി .
നേരത്തെ താരത്തിന് ബിസിസിഐയുടെ പുതിയ ഫിറ്റ്നസ് പരിഷ്കാരങ്ങളുടെ ഭാഗമായ 8.5 മിനിറ്റിനുള്ളില്‍ 2 കിലോ മീറ്റര്‍ ദൂരം ഓടി പൂര്‍ത്തിയാക്കുക എന്ന കടമ്പ താരം പിന്നിട്ടിരുന്നില്ല . യോ- യോ ടെസ്റ്റില്‍ 17.1 മാര്‍ക്ക് എന്ന കടമ്പയും വരുണിന് കടക്കാനായില്ല. ഇതോടെ വരാനിരിക്കുന്ന ഇംഗ്ലണ്ടിനെതിരായ ടി:20 പരമ്പരയിലെ പ്രവേശനം വീണ്ടും
ബുദ്ധിമുട്ടിലായി .
ഫിറ്റ്നസ് ടെസ്റ്റിലെ പരാജയത്തെ തുടർന്ന് താരം വീണ്ടും ഇന്ത്യൻ സ്‌ക്വാഡിൽ നിന്ന് പുറത്തേക്ക് പോകുകയാണേൽ അത് താരത്തിന് ഇത് രണ്ടാം തിരിച്ചടിയായാണ് കരിയറിൽ . ടീമില്‍ നിന്ന് കഴിഞ്ഞ അഞ്ച് മാസത്തിനിടെ രണ്ടാമത്തെ പുറത്താകലായിരിക്കും ഇത്. കഴിഞ്ഞ നവംബറില്‍ താരത്തെ ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടി:20 ടീമില്‍ ഉള്‍പ്പെടുത്തിയിരുന്നു. എന്നാല്‍ തോളിനേറ്റ പരിക്കിനെ തുടർന്ന് കളിക്കാന്‍ അവസരം ലഭിച്ചില്ല. വരുൺ ചക്രവർത്തിക്ക് പകരം ടീമിനൊപ്പം ചേർന്ന നടരാജൻ 3 ഫോർമാറ്റിലും അരങ്ങേറ്റം നടത്തിയിരുന്നു .
അതേസമയം വരുൺ ചക്രവർത്തിയുടെ കാര്യത്തിൽ ബിസിസിഐയുടെ ഔദ്യോഗിക തീരുമാനൊന്നും വന്നിട്ടില്ല.താരം ഇപ്പോല്‍ ഐപിൽ ഫ്രാഞ്ചൈസി ടീമായ കൊല്‍ക്കത്ത നൈറ്റ് റൈഡേഴ്‌സിനൊപ്പം മുംബൈയില്‍ പരിശീലനത്തിലാണ്.
