സഞ്ജു സാംസണിന്റെ കഴിവിൽ സംശയമില്ലെന്നും എന്നാൽ ഇന്ത്യൻ ടി20 ടീമിൽ സ്ഥിരതയുള്ള സാന്നിധ്യമാകാൻ രാജസ്ഥാൻ റോയൽസ് ക്യാപ്റ്റൻ തന്റെ ഷോട്ട് സെലക്ഷൻ മെച്ചപ്പെടുത്തണമെന്നും മുൻ ഇന്ത്യൻ ക്യാപ്റ്റൻ സുനിൽ ഗവാസ്‌കർ. സഞ്ചു സാംസണിനെ പിന്തുണച്ച ഗവാസ്കര്‍, ഒരു ഗെയിം ചേഞ്ചർ ആകാനുള്ള അദ്ദേഹത്തിന്റെ കഴിവിനെ ആർക്കും ചോദ്യം ചെയ്യാനാവില്ല എന്നും പറഞ്ഞു.
അടുത്തിടെ അവസാനിച്ച ദക്ഷിണാഫ്രിക്കയ്‌ക്കെതിരായ ടി20 പരമ്പരയിൽ സഞ്ജു സാംസണെ തിരഞ്ഞെടുത്തിരുന്നില്ലാ. എന്നാല്‍, ജൂൺ 26, 28 തീയതികളിൽ നടക്കുന്ന അയർലൻഡിനെതിരായ 2 മത്സരങ്ങളുടെ പരമ്പരയ്ക്കുള്ള 17 അംഗ ടീമിൽ മലയാളി താരത്തെ ഉള്‍പ്പെടുത്തിയിരുന്നു.
കഴിഞ്ഞ രണ്ട് സീസണുകളിലായി രാജസ്ഥാൻ റോയൽസിനായി ഐപിഎല്ലിൽ സ്ഥിരതയാർന്ന പ്രകടനമാണ് സാംസൺ കാഴ്ചവെച്ചത്. 150-ന് അടുത്ത് സ്‌ട്രൈക്ക് റേറ്റിൽ 458 റൺസ് സ്‌കോർ ചെയ്ത നായകൻ, രാജസ്ഥാനെ ഐപിഎൽ 2022-ന്റെ ഫൈനലിലേക്ക് നയിച്ചു. എന്നിരുന്നാലും, ഋഷഭ് പന്തും ദിനേഷ് കാർത്തിക്കും വിക്കറ്റ് കീപ്പിംഗ് ഓപ്ഷനുകളായി ഇന്ത്യ ഇറങ്ങിയതിനാൽ ദക്ഷിണാഫ്രിക്ക ടി20യിലേക്ക് സാംസണെ തിരഞ്ഞെടുത്തില്ല.
2015ൽ അരങ്ങേറ്റം കുറിച്ച കേരള താരം 14 ടി20യിൽ 14.50 ശരാശരിയിൽ 174 റൺസ് മാത്രമാണ് നേടാനായത്. സഞ്ജുവിന് അന്താരാഷ്ട്ര തലത്തിൽ ഐപിഎൽ മികവ് ആവർത്തിക്കാൻ പാടുപെട്ടു. ടി20 ലോകകപ്പിന് മുന്നോടിയായി ടീമിൽ തിരിച്ചെത്തിയ സഞ്ജു, ടോപ്പ് ഓർഡറിലും വിക്കറ്റ് കീപ്പര്‍ സ്ഥാനത്തേക്കായി തന്റെ പേര് മുന്നോട്ട് വയ്ക്കാനുള്ള അവസരമാണ് ഉള്ളത്
“എല്ലാവരും കൂടുതൽ അവസരങ്ങൾ അർഹിക്കുന്നു, പക്ഷേ നിങ്ങൾ അവ പരമാവധി പ്രയോജനപ്പെടുത്തണം. അതാണ് സഞ്ചുവിനെ ഒഴിവാക്കാന്‍ കാരണം. അദ്ദേഹത്തിന്റെ ഷോട്ട് സെലക്ഷൻ അദ്ദേഹത്തിന്റെ കഴിവ് നമുക്കെല്ലാവർക്കും അറിയാം,” ഗവാസ്‌കർ സ്റ്റാർ സ്‌പോർട്‌സിനോട് പറഞ്ഞു. അവൻ ആദ്യ പന്തിൽ നിന്ന് ആക്രമിക്കാൻ നോക്കുന്ന താരമാണെന്നും ഗവാസ്കര്‍ വിശേഷിപ്പിച്ചു.
“അതിനാൽ, തന്റെ ഷോട്ട് സെലക്ഷൻ മികച്ചതാണെങ്കിൽ, അത് ഇന്ത്യയ്ക്കായാലും ഫ്രാഞ്ചൈസിക്ക് വേണ്ടിയായാലും അവൻ കൂടുതൽ സ്ഥിരത പുലർത്തും. അപ്പോൾ ടീമിലെ തന്റെ സ്ഥാനത്തെക്കുറിച്ച് ആരും ചോദ്യങ്ങൾ ചോദിക്കില്ല,” ഗവാസ്‌കർ കൂട്ടിച്ചേർത്തു.
ഈ വർഷമാദ്യം ശ്രീലങ്കയ്‌ക്കെതിരായ പരമ്പരയ്ക്കിടെ സഞ്ജു സാംസൺ ടി20 ടീമിലേക്ക് മടങ്ങിയെത്തുകയും ബാറ്റ് ചെയ്ത 2 മത്സരങ്ങളിൽ 39 ഉം 18 ഉം റൺസ് നേടുകയും ചെയ്തിരുന്നു. ടി20 ലോകകപ്പിനിടെ ഓസ്‌ട്രേലിയയിലെ ബൗൺസി പിച്ചുകളിൽ സഞ്ചു സാംസണിന്റെ ബാക്ക്‌ഫൂട്ട് കളി എങ്ങനെ പ്രയോജനപ്പെടുമെന്ന് എടുത്തുകാണിച്ചുകൊണ്ട് ക്യാപ്റ്റൻ രോഹിത് ശർമ്മ നേരത്തെ പ്രശംസിച്ചിരുന്നു.
India’s T20I squad vs Ireland: Hardik Pandya (Captain), Bhuvneshwar Kumar (vice-captain), Ishan Kishan, Ruturaj Gaikwad, Sanju Samson, Suryakumar Yadav, Venkatesh Iyer, Deepak Hooda, Rahul Tripathi, Dinesh Karthik (wicket-keeper), Yuzvendra Chahal, Axar Patel, Ravi Bishnoi, Harshal Patel, Avesh Khan, Arshdeep Singh, Umran Malik.
