സെഞ്ചുറിയുമായി കെല്‍ രാഹുല്‍. ഇന്ത്യ വമ്പന്‍ സ്കോറിലേക്ക്.

ദക്ഷിണാഫ്രിക്കകെതിരെയുള്ള മൂന്നു മത്സരങ്ങളടങ്ങിയ പരമ്പരയിലെ ആദ്യ മത്സരത്തിലെ ആദ്യ ദിനത്തില്‍ ഇന്ത്യ ശക്തമായ നിലയില്‍. ആദ്യ ദിനം അവസാനിക്കുമ്പോള്‍ ഇന്ത്യ 3 വിക്കറ്റ് നഷ്ടത്തില്‍ 272 റണ്‍സ് എന്ന നിലയിലാണ്. 122 റണ്‍സുമായി കെല്‍ രാഹുലും 40 റണ്‍സുമായി രഹാനയുമാണ് ക്രീസില്‍

ടോസ് നേടി ബാറ്റിംഗ് തിരഞ്ഞെടുത്ത ഇന്ത്യക്ക് ലഭിച്ചത് മികച്ച തുടക്കമാണ്. ഒന്നാം വിക്കറ്റില്‍ കെല്‍ രാഹുല്‍ – മായങ്ക് അഗര്‍വാള്‍ സംഖ്യം 117 റണ്‍സ് കൂട്ടിചേര്‍ത്തതിനു ശേഷമാണ് മടങ്ങിയത്. 123 പന്തിൽ 9 ബൗണ്ടറിയടക്കം 60 റൺസെടുത്ത മായങ്കിനെ മടക്കി ലുങ്കി എൻഗിടിയാണ് ഈ കൂട്ടുകെട്ട് പൊളിച്ചത്. തൊട്ടടുത്ത പന്തില്‍ ചേത്വേശര്‍ പൂജാരയെ മടക്കി എന്‍ഗിടി ഇന്ത്യക്ക് ഇരട്ട പ്രഹരമേല്‍പ്പിച്ചു.

332276

എന്നാൽ മൂന്നാം വിക്കറ്റിൽ ഒന്നിച്ച രാഹുൽ – ക്യാപ്റ്റൻ വിരാട് കോലി സഖ്യം ഇന്ത്യയെ 150 കടത്തി. ഇരുവരും ചേര്‍ന്ന് 82 റണ്‍സ് കൂട്ടുകെട്ട് സ്ഥാപിച്ചു. 35 റണ്‍സാണ് വീരാട് കോഹ്ലി നേടിയത്. പിന്നീട് എത്തിയ രഹാന കൂടുതല്‍ നഷ്ടങ്ങളില്ലാതെ ഇന്ത്യന്‍ ഇന്നിംഗ്സിനെ മുന്നോട്ട് നയിച്ചു. കെല്‍ രാഹുലും – അജിങ്ക്യ രഹാനയും ചേര്‍ന്ന് അപരാജിത 73 റണ്‍സ് കൂട്ടിചേര്‍ത്തു. സൗത്താഫ്രിക്കന്‍ നിരയില്‍ ലുങ്കി എന്‍ഗീഡിയാണ് 3 വിക്കറ്റും വീഴ്ത്തിയത്.

332295

വസീം ജാഫര്‍ കേപ് ടൗണിൽ 2006/07 സീസണിൽ ശതകം നേടിയ ശേഷം ഒരു ഇന്ത്യന്‍ ഓപ്പണിംഗ് താരം ദക്ഷിണാഫ്രിക്കയിൽ ശതകം നേടുന്നത് ഇത് ആദ്യമായിട്ടാണ്

പ്ലേയിംഗ് ഇലവനുകള്‍ 

ടീം ഇന്ത്യ: കെ എല്‍ രാഹുല്‍, മായങ്ക് അഗര്‍വാള്‍, ചേതേശ്വര്‍ പൂജാര, വിരാട് കോലി, അജിങ്ക്യ രഹാനെ, റിഷഭ് പന്ത്, ആര്‍ അശ്വിന്‍, ഷര്‍ദ്ദുല്‍ ഠാക്കൂര്‍, മുഹമ്മദ് ഷമി, ജസ്പ്രീത് ബുമ്ര, മുഹമ്മദ് സിറാജ്.

ദക്ഷിണാഫ്രിക്ക: ഡീന്‍ എല്‍ഗാര്‍, എയ്‌ഡന്‍ മാര്‍ക്രം, കീഗന്‍ പീറ്റേഴ്‌സണ്‍, റാസി വാന്‍ ഡര്‍ ഡസ്സന്‍, തെംബ ബവൂമ, ക്വിന്‍റണ്‍ ഡി കോക്ക്, വിയാന്‍ മള്‍ഡര്‍, മാര്‍കോ ജാന്‍സണ്‍, കേശവ് മഹാരാജ്, കഗിസോ റബാഡ, ലുങ്കി എന്‍ഗിഡി