ശ്രേയസ്സ് അയ്യര്‍ക്ക് പരിക്ക്. ഐപിഎല്‍ പങ്കാളിത്തം തുലാസില്‍

Shreyas Iyer

ഇന്ത്യ – ഇംഗ്ലണ്ട് ഏകദിന പരമ്പരയിലെ ആദ്യ മത്സരത്തില്‍ മധ്യനിര ബാറ്റസ്മാന്‍ ശ്രേയസ്സ് അയ്യര്‍ക്ക് പരിക്ക്. ഫീല്‍ഡിങ്ങിനിടെയാണ് താരത്തിനു പരിക്കേറ്റത്. ജോണി ബെയര്‍സ്റ്റോയുടെ ഷോട്ട് തടയാന്‍ ശ്രമിച്ച ശ്രേയസ്സ് അയ്യര്‍ക്ക് ഷോള്‍ഡര്‍ ഡിസ്-ലൊക്കേഷന്‍ സംഭവിച്ചതായാണ് റിപ്പോര്‍ട്ടുകള്‍. പരിക്കേറ്റത് കാരണം അടുത്ത രണ്ട് ഏകദിന മത്സരങ്ങളില്‍ ഭാഗമാകില്ലാ.

തോള് താങ്ങിപിടിച്ച് വേദനയോടെയാണ് ശ്രേയസ്സ് അയ്യര്‍ കളം വിട്ടത്. നേരത്തെ ബാറ്റിംഗിലും യുവതാരത്തിനു തിളങ്ങാനായില്ലാ. 9 റണ്‍സിനു അയ്യര്‍ പുറത്തായി.

ആറാഴ്ച്ചയോളം പരിക്ക് ഭേദമാകാന്‍ എടുക്കും എന്നാണ് സൂചന. സര്‍ജറി ആവശ്യമെങ്കില്‍ നീണ്ട ആഴ്ചകള്‍ വേണ്ടി വരും. ഏപ്രില്‍ 9 നാണ് ഐപിഎല്‍ ആരംഭിക്കുന്നത്. അതിനു മുന്‍പ് ഫിറ്റ്നെസ് വീണ്ടെടുക്കാന്‍ കഴിയും എന്നാണ് ആരാധകരുടെ പ്രതീക്ഷ. കഴിഞ്ഞ സീസണില്‍ ഡല്‍ഹി ക്യാപ്റ്റല്‍സിനെ ഫൈനലിലേക്ക് ശ്രേയസ്സ് അയ്യര്‍ നയിച്ചിരുന്നു.

See also  സേവാഗും യുവിയുമല്ല, ഇന്ത്യയുടെ എക്കാലത്തെയും സിക്സർ വീരൻ അവനാണ്. ദ്രാവിഡ് പറയുന്നു.
Scroll to Top