ബാറ്റിംഗ് പ്രൊമോഷന്‍ ഫലിച്ചു. വിമര്‍ശനങ്ങളെ കാറ്റില്‍ പറത്തി ലോര്‍ഡ് ഫിനിഷ്

കൊല്‍ക്കത്താ നൈറ്റ് റൈഡേഴ്സിനെതിരെയുള്ള പോരാട്ടത്തില്‍ ഡല്‍ഹി ക്യാപിറ്റല്‍സ് കൂറ്റന്‍ സ്കോറാണ് പടുത്തുയര്‍ത്തിയത്. ടോസ് നഷ്ടപ്പെട്ട ബാറ്റിംഗിനിറങ്ങിയ ഡല്‍ഹി നിശ്ചിത 20 ഓവറില്‍ 5 വിക്കറ്റ് നഷ്ടത്തില്‍ 215 റണ്‍സ് നേടി. ഓപ്പണര്‍മാര്‍ നല്‍കിയ മികച്ച തുടക്കം മുതലാക്കി ലോവര്‍ ഓഡറിലെ മികച്ച ഫിനിഷിങ്ങിന്‍റെയും പിന്‍ബലത്തിലാണ് കൂറ്റന്‍ സ്കോര്‍ ഉയര്‍ത്തിയത്.

മധ്യനിരയില്‍ ഡല്‍ഹി തളര്‍ന്നെങ്കിലും ലോവര്‍ ഓഡറില്‍ ഷാര്‍ദ്ദുല്‍ താക്കൂര്‍ – ആക്ഷര്‍ പട്ടേല്‍ എന്നിവരുടെ പ്രകടനമാണ് സ്കോര്‍ 200 കടത്തിയത്. ഇരുവരും ചേര്‍ന്ന് 20 പന്തില്‍ 49 റണ്‍സാണ് ഉയര്‍ത്തിയത്. 11 പന്തില്‍ 29 റണ്‍സാണ് ഷാര്‍ദ്ദുല്‍ താക്കൂര്‍ അടിച്ചെടുത്തത്. 1 ഫോറും 3 സിക്സും ബാറ്റില്‍ നിന്നും പിറന്നു.

ലോക ഒന്നാം നമ്പര്‍ ബോളര്‍ക്കെതിരെ സിക്സടിച്ചാണ് താക്കൂര്‍ ഇന്നിംഗ്സ് ഫിനിഷ് ചെയ്തത്. ബാറ്റിംഗില്‍ സര്‍ഫ്രാസ് ഖാന് മുന്‍പായാണ് താക്കൂറിനു ബാറ്റിംഗ് പ്രൊമോഷന്‍ നല്‍കിയത്. ഡല്‍ഹിയുടെ ഈ നീക്കത്തിനു വന്‍ വിമര്‍ശനം ഉയര്‍ന്നിരുന്നു. വിമര്‍ശനങ്ങളെയെല്ലാം കാറ്റില്‍ പറത്തിയായിരുന്നു താക്കൂറിന്‍റെ ഫിനിഷിങ്ങ്.  ഇക്കഴിഞ്ഞ മെഗാ ലേലത്തില്‍ 10.75 കോടി രൂപക്കാണ് താക്കൂറിനെ ഡല്‍ഹി സ്വന്തമാക്കിയത്.

കൊല്‍ക്കത്ത നൈറ്റ് റൈഡേഴ്‌സ്: അജിങ്ക്യ രഹാനെ, വെങ്കടേഷ് അയ്യര്‍, ശ്രേയസ് അയ്യര്‍ (ക്യാപ്റ്റന്‍), സാം ബില്ലിംഗ്‌സ്, നിതീഷ് റാണ, ആന്ദ്രേ റസല്‍, സുനില്‍ നരെയ്‌ന്‍, പാറ്റ് കമ്മിന്‍സ്, ഉമേഷ് യാദവ്, റാസിഖ് സലാം, വരുണ്‍ ചക്രവര്‍ത്തി.

ഡല്‍ഹി ക്യാപിറ്റല്‍സ്: പൃഥ്വി ഷാ, ഡേവിഡ് വാര്‍ണര്‍, റിഷഭ് പന്ത് (ക്യാപ്റ്റന്‍, വിക്കറ്റ് കീപ്പര്‍), റോവ്‌മാന്‍ പവല്‍, സര്‍ഫറാസ് ഖാന്‍, ലളിത് യാദവ്, അക്‌സര്‍ പട്ടേല്‍, ഷര്‍ദ്ദുല്‍ ഠാക്കൂര്‍, കുല്‍ദീപ് യാദവ്, മുസ്‌തഫിസൂര്‍ റഹ്‌മാന്‍, ഖലീല്‍ അഹമ്മദ്.