ഇന്ത്യൻ പ്രീമിയർ ലീഗിൽ നിന്ന് വിദേശ താരങ്ങളുടെ പിന്മാറ്റം ടീമുകളെ എല്ലാം ആശങ്കയിലാക്കുന്നുണ്ട് .കഴിഞ്ഞ ദിവസങ്ങളിൽ രാജസ്ഥാൻ റോയൽസ് നിരയിൽ നിന്നും ബയോ ബബിള്‍ സംവിധാനത്തില്‍ കഴിയുന്നതിന്റെ വലിയ ബുദ്ധിമുട്ട് ചൂണ്ടികാണിച്ച് ഇംഗ്ലണ്ടിന്റെ ലിയാം ലിവിങ്‌സറ്റൺ ,ഓസീസ് പേസർ ആൻഡ്രൂ ടൈയും നാട്ടിലേക്ക് മടങ്ങി .റോയൽസ് ചലഞ്ചേഴ്‌സ് ബാംഗ്ലൂർ സ്‌ക്വാഡിൽ നിന്നും റിച്ചാര്‍ഡ്‌സണും ആഡം സാംപയും കൊവിഡ് വ്യാപനം രൂക്ഷമായതിനെ തുടര്‍ന്ന് ഐപിൽ ഉപേക്ഷിച്ച് മടങ്ങി
എന്നാൽ ഐപിഎല്ലില്‍ നിന്ന് പിന്മാറിയ കെയ്ന്‍ റിച്ചാഡ്‌സണിന് പകരം ഇപ്പോൾ ന്യൂസിലന്‍ഡ് പേസ് ബൗളർ സ്‌കോട്ട് കുഗ്ഗെലെജിന്‍ ബാംഗ്ലൂർ സ്‌ക്വാഡിലേക്ക് എത്തും .നിലവിൽ താരം മുംബൈ ഇന്ത്യന്‍സിന്റെ നെറ്റ് ബൗളറായി ഇപ്പോൾ ഇന്ത്യയിലുണ്ട് .വൈകാതെ താരം ബാംഗ്ലൂർ ടീമിനൊപ്പം ചേരും എന്നാണ് ലഭിക്കുന്ന സൂചനകൾ .
അതേസമയം ഇത്തവണത്തെ ഐപിൽ ലേലത്തിൽ ഉൾപ്പെട്ട താരത്തെ ആരും ടീമിലെത്തിച്ചിരുന്നില്ല .29കാരനായ കുഗ്ഗെലെജിന്‍ മുൻപ് 2019 ഐപിൽ സീസണില്‍ ചെന്നൈ സൂപ്പര്‍ കിംഗ്‌സിന്റെ താരമായിരുന്നു. പേസർ ലുങ്കി എന്‍ഗിഡിക്ക് പരിക്കേറ്റപ്പോഴാണ് കുഗ്ഗെലെജിന്‍ ചെന്നൈയിലെത്തിയത്. രണ്ട് മത്സരങ്ങള്‍ താരം ടീമിനായി കളിക്കുകയും ചെയ്തു. ഐപിൽ കരിയറിൽ രണ്ട് വിക്കറ്റുകള്‍ വീഴ്ത്തിയ താരത്തിന് ബാംഗ്ലൂർ ടീമിൽ അവസരം ലഭിക്കുമോയെന്ന ആകാംക്ഷയിലാണ് ബാംഗ്ലൂർ ആരാധകർ .
