മുൻ ഇന്ത്യൻ ക്യാപ്റ്റനും സ്റ്റാർ വിക്കറ്റ് കീപ്പർ-ബാറ്ററുമായ എംഎസ് ധോണി ശനിയാഴ്ച എഡ്ജ്ബാസ്റ്റണിൽ നടന്ന മത്സരത്തില്‍ ഇന്ത്യന്‍ ഡ്രസിങ്ങ് റൂമില്‍ എത്തിയിരുന്നു. കഴിഞ്ഞ കുറച്ച് ദിവസങ്ങളിലായി ഇംഗ്ലണ്ടിലാണ് മുന്‍ ഇന്ത്യന്‍ താരം. വിംബിൾഡൺ മത്സരം കാണാനും ജന്മദിന ആഘോഷവും നടന്നതെല്ലാം ഇംഗ്ലണ്ടിലായിരുന്നു. ഇതിനു പിന്നാലെയാണ് ധോണി ക്രിക്കറ്റ് മത്സരം വീക്ഷിക്കാന്‍ എത്തിയത്.
യുവ ഇന്ത്യൻ വിക്കറ്റ് കീപ്പർ-ബാറ്റർമാരായ ഋഷഭ് പന്ത്, ഇഷാൻ കിഷൻ എന്നിവരുമായി അദ്ദേഹം സംസാരിക്കുന്നത് കണ്ടു, ഇതിന്‍റെ ചിത്രങ്ങൾ റിഷഭ് പന്തും ബിസിസിഐയും ട്വിറ്ററിൽ അപ്‌ലോഡ് ചെയ്തു, കുറച്ച് സമയത്തിനുള്ളിൽ തന്നെ ഇത് വൈറലായി.
രണ്ടാം ടി20യിൽ ഇന്ത്യയുടെ വിജയത്തിന് ശേഷം ടീമിന്റെ ഡ്രെസ്സിംഗ് റൂമിൽ കിഷനൊപ്പം ധോണി സംസാരിക്കുന്നത് ചിത്രങ്ങളിൽ കാണാം. ചിത്രങ്ങൾ പങ്കുവെച്ചുകൊണ്ട് ബിസിസിഐയുടെ ഔദ്യോഗിക ട്വിറ്റർ ഹാൻഡിൽ, പോസ്റ്റിന് അടിക്കുറിപ്പ് നൽകി, Always all ears when the great @msdhoni talks!
മത്സരത്തിലെ വിജയത്തോടെ ഇന്ത്യ പരമ്പര സ്വന്തമാക്കി. ആദ്യം ബാറ്റിംഗിനയക്കപ്പെട്ട ഇന്ത്യക്കായി രവീന്ദ്ര ജഡേജ (29 പന്തിൽ 46 നോട്ടൗട്ട്), ക്യാപ്റ്റൻ രോഹിത് (20 പന്തിൽ 31), പന്ത് (15 പന്തിൽ 26) എന്നിവരുടെ പ്രകടനത്തില്‍ എട്ട് വിക്കറ്റ് നഷ്ടത്തിൽ 170 റൺസ്.
ഭുവനേശ്വർ കുമാറും ജസ്പ്രീത് ബുംറയും തകർപ്പൻ പ്രകടനത്തോടെ തുടങ്ങിയപ്പോള്‍ ഇംഗ്ലീഷ് ടീമിനെ ശ്വസിക്കാൻ അനുവദിച്ചില്ല. 17 ഓവറിൽ 121 റൺസിന് പുറത്തായ ഇംഗ്ലണ്ട് 49 റൺസിന് തോറ്റു.
