2025 ചാംപ്യന്സ് ട്രോഫി സ്ക്വാഡ് പ്രഖ്യാപിച്ചപ്പോള് മലയാളി താരം സഞ്ചു സാംസണിന് ഇടം നേടാനായില്ലാ. വിജയ് ഹസാര ട്രോഫി കേരള ടീമില് നിന്നും ഒഴിവാക്കപെട്ട സഞ്ചുവിന്, സെലക്ഷന് മുന്നോടിയായി തന്റെ പ്രകടനം കാണിച്ചു കൊടുക്കുവാനുള്ള അവസരം ഇല്ലാതാവുകയാണ് ചെയ്തത്.
ടൂര്ണമെന്റിന്റെ പ്രാരംഭ ഘട്ടത്തില് ഇല്ലാതിരുന്ന സഞ്ചു സാംസണ്, പിന്നീട് കളിക്കുവാനുള്ള താത്പര്യം അറിയിച്ചെങ്കിലും കേരള ക്രിക്കറ്റ് അസോസിയേഷന് സഞ്ചുവിനെ ടീമിലെടുത്തില്ലാ. വിജയ് ഹസാരെ ടൂര്ണമെന്റില് പങ്കെടുക്കാത്തത് കാരണമാണോ ഇന്ത്യന് സ്ക്വാഡില് ഉള്പ്പെടാതിരുന്നത് എന്ന ചോദ്യത്തിന് കേരള ക്രിക്കറ്റ് അസോസിയേഷന് പ്രസിഡന്റ് പറഞ്ഞത് ഇങ്ങനെയാണ്.
” ചാംപ്യന്സ് ട്രോഫിയില് നിന്നും സഞ്ചു സാംസൺ പുറത്തായത് ഈ കാരണം കൊണ്ടാണോ എന്ന് എനിക്ക് ഉറപ്പില്ല. കേരള ക്രിക്കറ്റ് അസോസിയേഷന്റെ 30 അംഗ തയ്യാറെടുപ്പ് ക്യാമ്പിൽ പങ്കെടുക്കാൻ ഉണ്ടാവില്ല എന്ന് പറഞ്ഞുകൊണ്ട് ഒരു വരി സന്ദേശം അയച്ചതിനാലാണ് വിജയ് ഹസാരെ ടീമിൽ സഞ്ജുവിനെ ഉൾപ്പെടുത്താതിരുന്നത്. ഞങ്ങളുടെ വൈറ്റ്-ബോൾ ക്യാപ്റ്റനായതിനാലും SMAT സീസണിലും അദ്ദേഹം നയിച്ചതിനാലും സഞ്ജു ടീമിനെ നയിക്കുമെന്ന് ഞങ്ങൾക്കെല്ലാവരും കരുതിയിരുന്നത്,” ജോർജ് പറഞ്ഞു.
“അപ്പോൾ ഞങ്ങൾ ടീമിനെ പ്രഖ്യാപിച്ചു, പിന്നീട് അദ്ദേഹം സെലക്ഷന് ലഭ്യമാണെന്ന് വ്യക്തമാക്കി ഒരു സന്ദേശം അയച്ചു. സഞ്ജു സാംസണായാലും മറ്റേതെങ്കിലും കളിക്കാരനായാലും, കെസിഎയ്ക്ക് ബഹുമാനിക്കേണ്ട ഒരു പോളിസിയുണ്ട്. സഞ്ജുവിന് ടീമിലേക്ക് വരാൻ ഒരു ക്യാമ്പ് ആവശ്യമില്ലെന്ന് നമുക്കെല്ലാവർക്കും അറിയാം, പക്ഷേ അദ്ദേഹത്തിന് തോന്നുമ്പോൾ മാത്രം വന്ന് പ്രതിനിധീകരിക്കാൻ കഴിയുന്ന ഒന്നാണോ കേരള ടീം? സഞ്ചു സാംസൺ എങ്ങനെയാണ് ഇന്ത്യൻ ടീമിൽ എത്തിയത്, അത് കെസിഎയിലൂടെ മാത്രമാണ്. അതിനർത്ഥം കേരള ടീമിനോട് ഇഷ്ടം തോന്നുമ്പോൾ മാത്രം നിങ്ങൾ വരണമെന്നില്ല,” അദ്ദേഹം പറഞ്ഞു.
അതേ സമയം ഇംഗ്ലണ്ടിനെതിരെയുള്ള ടി20 പരമ്പരയില് സഞ്ചു സാംസണ് സ്ഥാനം നേടിയിട്ടുണ്ട്. 22 നാണ് പരമ്പര ആരംഭിക്കുന്നത്.
