അന്താരാഷ്ട്ര ക്രിക്കറ്റില്‍ 100 സെഞ്ചുറികള്‍ എന്ന റെക്കോഡ് സ്വന്തമാക്കാന്‍ ഇന്ത്യന്‍ താരം വിരാട് കോഹ്ലിക്ക് കഴിയും എന്ന് പറഞ്ഞിരിക്കുകയാണ് മുന്‍ ഇന്ത്യന്‍ താരം സുനില്‍ ഗവാസ്കള്‍. കഴിഞ്ഞ 4 ഇന്നിംഗ്സുകളിലായി 3 സെഞ്ചുറികളാണ് വിരാട് കോഹ്ലി നേടിയത്. സച്ചിന്‍റെ 49 ഏകദിന സെഞ്ചുറി എന്ന നേട്ടത്തിലേക്ക് കോഹ്ലി ഇനി 3 സെഞ്ചുറികളുടെ ദൂരം മാത്രമേയുള്ളു.
”അഞ്ചോ ആറോ വർഷം കോഹ്ലി കളിച്ചാൽ 100 സെഞ്ചുറികളില്‍ എത്തും. അതിൽ സംശയമില്ല. അദ്ദേഹത്തിന്റെ ശരാശരി പ്രതിവർഷം 6 സെഞ്ച്വറികളാണ്. അങ്ങനെ സംഭവിച്ചാൽ, 40 വയസ്സ് വരെ കളിച്ചാൽ, അടുത്ത 5-6 വർഷത്തിനുള്ളിൽ അദ്ദേഹത്തിന് 26 സെഞ്ച്വറികൾ കൂടി ചേർക്കാനാകും. സച്ചിൻ ടെണ്ടുൽക്കറും 40 വയസ്സ് വരെ കളിച്ചു, ഫിറ്റ്നസ് നിലനിർത്തി. തന്റെ ഫിറ്റ്‌നസിനെ കുറിച്ച് കോഹ്ലിക്ക് നല്ല ബോധ്യമുണ്ട്. ഈ ഇന്ത്യൻ ടീമിലെ വിക്കറ്റുകൾക്കിടയിൽ ഏറ്റവും വേഗത്തിൽ ഓടുന്ന താരം ഇപ്പോഴും അദ്ദേഹമാണ്,” ഗവാസ്കര് പറഞ്ഞു.
” എംഎസ് ധോണിയെ മാത്രമാണ് കോലിയെക്കാളും വേഗമുള്ളവനെന്ന് പറയാനാവുക. ഇപ്പോൾ ഈ പ്രായത്തിലും അവൻ യുവതാരങ്ങളെ പിന്നിലാക്കുന്നു. സിംഗിളുകൾ ഡബിളുകളായും ഡബിളുകൾ ട്രിപ്പിളുകളായും മാറ്റുന്നു. അതവൻ്റെ റൺസിൽ മാത്രമല്ല സഹതാരങ്ങൾക്ക് വേണ്ടിയും അവൻ ഇപ്രകാരം ചെയ്യുന്നു. ഈ ഫിറ്റ്നസ് വെച്ച് അവൻ 40 വയസ്സുവരെ കളിച്ചാലും അത്ഭുതപെടേണ്ടതില്ല. ” സുനിൽ ഗാവസ്കർ പറഞ്ഞു.
മൂന്നു വര്‍ഷത്തെ ഇടവേളക്ക് ശേഷമാണ് വിരാട് കോഹ്ലി തന്റെ സെഞ്ചുറി വരള്‍ച്ചക്ക് അവസാനം കുറിച്ചത്. ടി20 യില്‍ തന്റെ പ്രഥമ സെഞ്ചുറി നേടികൊണ്ടായിരുന്നു അത്.
ടെസ്റ്റില്‍ 27 സെഞ്ചുറികളാണ് വിരാട് കോഹ്ലിക്കുള്ളത്. 51 സെഞ്ചുറികളുമായി സച്ചിനാണ് ഏറ്റവും മുന്നില്‍
