കോഹ്ലിയെയോ പൂജാരയേയോ ആശ്രയിച്ചട്ട് മാത്രം കാര്യമില്ലാ. പരമ്പര വിജയം നേടണം എങ്കില്‍ ഇക്കാര്യം ശ്രദ്ധിക്കണം

ഡിസംമ്പര്‍ 26 ന് ആരംഭിക്കുന്ന ടെസ്റ്റ് പരമ്പരയില്‍ വ്യക്തിഗത ബ്രില്യന്‍സിനേക്കാള്‍ ഉപരി എല്ലാവരും ടീമിന്‍റെ വിജയത്തിലേക്ക് സംഭാവന ചെയ്യണമെന്ന് ഇന്ത്യന്‍ ഹെഡ് കോച്ച് രാഹുല്‍ ദ്രാവിഡ്. ലോക ടെസ്റ്റ് ചാംപ്യന്‍ഷിപ്പിന്‍റെ ഭാഗമായ പരമ്പരയില്‍ 3 മത്സരങ്ങളാണ് ഒരുക്കിയിരിക്കുന്നത്.

ചേത്വേശര്‍ പൂജാര, വീരാട് കോഹ്ലി, അജിങ്ക്യ രഹാനെ എന്നിവര്‍ സെഞ്ചുറി നേടിയട്ട് കുറച്ചധികം മത്സരങ്ങളായി. സൗത്താഫ്രിക്കയില്‍ വിജയിക്കാന്‍ ഒരാളില്‍ മാത്രം ആശ്രയിച്ചട്ട് കാര്യമില്ലാ. ഇതുവരെ ഇന്ത്യക്ക് ഒരു പരമ്പര വിജയവും സൗത്താഫ്രിക്കന്‍ മണ്ണില്‍ നേടാനായിട്ടില്ലാ.

20211226 091347

” ടീം പെര്‍ഫോമന്‍സിലൂടെ മാത്രമാണ് ഇതുപോലെ ഉള്ള പരമ്പര വിജയങ്ങള്‍ നേടിയട്ടുള്ളത് എന്നാണ് ഞങ്ങള്‍ സംസാരിച്ചത്. എല്ലാവരും അവരുടേതായ ജോലി ചെയ്യണം. വീരാട് കോഹ്ലിയോ അതോ  പൂജാരയോ അല്ലെങ്കില്‍ മറ്റാരെങ്കിലുമോ മാത്രം ജോലി ചെയ്യാന്‍ ആശ്രയിക്കരുത്.”

” ഇവിടെ വിജയിക്കണമെങ്കില്‍ എല്ലാവരുടേയും സംഭാവനകള്‍ വേണം ” മത്സരത്തിനു മുന്നോടിയായി ദ്രാവിഡ് പറഞ്ഞു. ലോവര്‍ ഓഡറില്‍ നിന്നും റണ്‍സ് വരേണ്ടതും പ്രാധാന്യമാണെന്നും ദ്രാവിഡ് കൂട്ടിചേര്‍ത്തു.