പുറത്തെ പരിക്കിനെ തുടര്‍ന്ന് ഇന്ത്യന്‍ ഫാസ്റ്റ് ബൗളര്‍ ജസ്പ്രീത് ബുംറക്ക് ലോകകപ്പ് നഷ്ടമാകാന്‍ ഒരുങ്ങുകയാണ്. ഇന്ത്യയുടെ ഇംഗ്ലണ്ട് പര്യടനത്തിൽ കളിച്ചതിന് ശേഷം, ഓസ്‌ട്രേലിയക്കെതിരായ ടി20 പരമ്പരയ്ക്കുള്ള ടീമിലേക്ക് ബുംറ തിരിച്ചെത്തി. മുൻകരുതലിന്റെ ഭാഗമായി മൊഹാലിയിൽ നടന്ന ആദ്യ മത്സരത്തില്‍ താരത്തെ കളിപ്പിച്ചിരുന്നില്ലാ.
ജസ്പ്രീത് ബുംറയെ ഉടനടി കളിപ്പിച്ചതില്‍ ചോദ്യം ചെയ്തിരിക്കുകയാണ് മുൻ പാകിസ്ഥാൻ ക്രിക്കറ്റ് താരം ഡാനിഷ് കനേരിയ. അടുത്തിടെ ഓസ്‌ട്രേലിയയ്‌ക്കെതിരായ ടി20 പരമ്പരയിൽ താരം കളിക്കാൻ പാടില്ലായിരുന്നുവെന്ന് കനേരിയ പറഞ്ഞു.
ടി20 ലോകകപ്പിനായി കാത്തിരിക്കേണ്ടതായിരുന്നുവെന്ന് അദ്ദേഹം അഭിപ്രായപ്പെട്ടു. 2022 ലെ ടി20 ലോകകപ്പിൽ അദ്ദേഹം നേരിട്ട് മടങ്ങിയിരുന്നെങ്കിൽ നന്നായിരുന്നു, കനേരിയ തന്റെ യൂട്യൂബ് ചാനലിൽ പറഞ്ഞു. “താളത്തിലേക്ക് തിരിച്ചുവരാൻ അദ്ദേഹത്തിന് പരിശീലന മത്സരങ്ങളിൽ കളിക്കാമായിരുന്നു. അദ്ദേഹം ഹർഷൽ പട്ടേലിനെപ്പോലെയോ മറ്റ് ബൗളറെപ്പോലെയോ അല്ല, അവർക്ക് തിരിച്ചുവരാൻ കൂടുതൽ സമയം ആവശ്യമാണ്.
ഇന്ത്യൻ പ്രീമിയർ ലീഗിൽ (ഐ‌പി‌എൽ) മുംബൈ ഇന്ത്യൻസിനായി മത്സരങ്ങൾ നഷ്‌ടപ്പെടുത്തിയിട്ടില്ലെങ്കിലും ബുംറയ്ക്ക് പരിക്കേൽക്കാനുള്ള സാധ്യതയുണ്ടെന്ന് മുൻ പാകിസ്ഥാൻ ക്രിക്കറ്റ് താരം പറഞ്ഞു.
“ജസ്പ്രീത് ബുംറയുടെ പുറകിൽ വീണ്ടും പ്രശ്നങ്ങളുണ്ട്. സ്ഥിരമായി പരിക്ക് അലട്ടുന്നതാണെങ്കിലും ഐപിഎല്ലിലെ എല്ലാ മത്സരങ്ങളും അദ്ദേഹം എപ്പോഴും കളിച്ചിട്ടുണ്ട്. അദ്ദേഹം ഇപ്പോൾ ടീമിലേക്ക് മടങ്ങിവരാൻ തയ്യാറാണെന്ന് മെഡിക്കൽ സംഘത്തിന് ഉറപ്പുണ്ടായിരുന്നോ എന്നും കനേരിയ ചോദിക്കുന്നു.
ദക്ഷിണാഫ്രിക്കയ്‌ക്കെതിരായ അവസാന രണ്ട് ടി20 മത്സരങ്ങളിൽ പരിക്കേറ്റ ജസ്പ്രീത് ബുംറയ്ക്ക് പകരം മുഹമ്മദ് സിറാജിനെ ടീമില്‍ ഉള്‍പ്പെടുത്തിയട്ടുണ്ട്.
