ഇന്ത്യന്‍ പ്രീമിയര്‍ ലീഗിലെ മത്സരത്തില്‍ ഗുജറാത്ത് ടൈറ്റന്‍സിനെതിരെ 196 റണ്‍സ് വിജയലക്ഷ്യമാണ് ഹൈദരബാദ് ഉയര്‍ത്തിയത്. നിക്കോളസ് പൂരാനും ഏയ്ഡന്‍ മാക്രത്തേയും അവസാന നിമിഷം നഷ്ടമായെങ്കിലും ശശാങ്ക് സിങ്ങിന്‍റെ ഫിനിഷിങ്ങ് ടീമിനെ കൂറ്റന്‍ സ്കോറില്‍ എത്തിച്ചു. നേരത്തെ അഭിഷേക് ശര്‍മ്മയും – ഏയ്ഡന്‍ മാക്രവും ചേര്‍ന്ന് ഹൈദരബാദിനു അടിത്തറ നല്‍കിയത്.
42 പന്തില്‍ 6 ഫോറും 3 സിക്സും സഹിതം 65 റണ്‍സ് നേടിയ അഭിഷേക് ശര്‍മ്മയാണ് ടോപ്പ് സ്കോറര്‍. മുന്‍ ഹൈദരബാദ് താരം കൂടിയായ റാഷീദ് ഖാനെതിരെയുള്ള പോരാട്ടം എന്ന വിശേഷണവും ഈ മത്സരത്തിനുണ്ടായിരുന്നു. എന്നാല്‍ പഴയ ടീമിനെതിരെ മികച്ച പ്രകടനം നടത്താന്‍ അഫ്ഗാന്‍ താരത്തിനു കഴിഞ്ഞില്ലാ.
4 ഓവറില്‍ 45 റണ്‍സ് വിട്ടുകൊടുത്ത താരത്തിനു വിക്കറ്റൊന്നും നേടാന്‍ കഴിഞ്ഞില്ലാ. ഒരു പേടിയുമില്ലാതെ റാഷീദ് ഖാനെതിരെ 3 സിക്സും ഒരു ഫോറുമാണ് അഭിഷേക് ശര്‍മ്മ നേടിയത്.
അഭിഷേക് ശര്‍മ്മയെക്കൂടാതെ ഏയ്ഡന്‍ മാക്രവും മത്സരത്തില്‍ അര്‍ദ്ധസെഞ്ചുറി നേടി. 40 പന്തില്‍ 2 ഫോറും 3 സിക്സും സഹിതം 56 റണ്‍സാണ് താരത്തിന്‍റെ നേട്ടം. ഗുജറാത്തിന് വേണ്ടി മുഹമ്മദ് ഷമി മൂന്ന് വിക്കറ്റ് വീഴ്ത്തി. യഷ് ദയാലും അൽസാരി ജോസഫും ഓരോ വിക്കറ്റും വീഴ്ത്തി.
