ഓസ്‌ട്രേലിയയിൽ നടക്കാനിരിക്കുന്ന ടി20 ലോകകപ്പിൽ ഒരു താരത്തിന്റെ അസാന്നിധ്യം ഇന്ത്യന്‍ പ്രതീക്ഷകളെ ബാധിക്കുമെന്ന് മുൻ ഇന്ത്യൻ ക്രിക്കറ്റ് താരം ആകാശ് ചോപ്ര. ഈയിടെ നടന്ന ഏഷ്യാ കപ്പിൽ രവീന്ദ്ര ജഡേജ പരിക്കേറ്റ് പുറത്തായത് ഇന്ത്യയെ ബാധിച്ചിരുന്നു.
സൂപ്പർ 4 ഘട്ടത്തിന് മുമ്പ് ഇന്ത്യന്‍ ഓൾറൗണ്ടർക്ക് പരിക്കേറ്റതിനെത്തുടർന്ന് രോഹിത് ശർമ്മക്ക് ടീം കോമ്പിനേഷൻ മാറ്റാൻ നിർബന്ധിതരായി. പാക്കിസ്ഥാനോടും ശ്രീലങ്കയോടും തോറ്റ ടീം ഇന്ത്യ പിന്നീട് ടൂർണമെന്റിൽ നിന്ന് പുറത്തായി.
തന്റെ യൂട്യൂബ് ചാനലിൽ പങ്കിട്ട ഒരു വീഡിയോയിൽ, ഏഷ്യാ കപ്പിൽ നിന്ന് ഇന്ത്യക്ക് വേണ്ടിയുള്ള ചില പാഠങ്ങളെക്കുറിച്ച് ചോപ്ര വിശിദീകരിച്ചു. ജഡേജയുടെ അഭാവം മൂലം ഋഷഭ് പന്തിനെ ഇലവനിൽ ഉൾപ്പെടുത്തിയതിനെ കുറിച്ച് അദ്ദേഹം പറഞ്ഞു.
“ഒരാൾ പോയാൽ സ്ഥിതി അൽപ്പം മോശമാകും എന്നതാണ് ലഭിച്ച വലിയൊരു പഠനം. ജഡ്ഡു പോകുന്ന നിമിഷം ഋഷഭ് പന്ത് കളിക്കുന്നു, കാരണം നിങ്ങൾക്ക് ഒരു ഇടംകയ്യൻ ബാറ്റര്‍ ആവശ്യമാണ്, എന്നാല്‍ പന്തില്‍ അര്‍പ്പിച്ച വിശ്വാസം തിരികെ നല്‍കുന്നില്ല. അവന്‍റെ കഴിവിനെ ന്യായീകരിക്കുന്നില്ല.”
ഫിനിഷർ എന്ന നിലയിൽ ദിനേഷ് കാർത്തിക്കിന്റെ സ്ഥാനം തൽഫലമായി വിട്ടുവീഴ്ച ചെയ്യപ്പെടുകയാണെന്ന് ചോപ്ര എടുത്തുപറഞ്ഞു. മുൻ ഇന്ത്യൻ ബാറ്റർ വിശദീകരിച്ചു:
പാക്കിസ്ഥാനെതിരായ ഗ്രൂപ്പ് എ മത്സരത്തിൽ ജഡേജ 4-ാം നമ്പറിൽ ബാറ്റ് ചെയ്ത് 35 റൺസ് നേടിയിരുന്നു. ജഡേജ പരിക്കേറ്റ് പുറത്തായതോടെ ആദ്യ രണ്ട് സൂപ്പർ 4 ഗെയിമുകളിൽ കാർത്തികിന് പകരം റിഷഭ് പന്ത് ഇലവനിൽ ഇടംപിടിച്ചു. ഈ മത്സരങ്ങളില്‍ 14,17 എന്നിങ്ങനെയായിരുന്നു ഇന്ത്യന്‍ വിക്കറ്റ് കീപ്പറുടെ പ്രകടനം.
