ബിഗ് ബാഷ് ലീഗ് ഉപേക്ഷിച്ച് യു.ഏ.ഇ ടി20 ലീഗില്‍ വരാന്‍ വേണ്ടി 15 ഓളം ഓസ്ട്രേലിയന്‍ താരങ്ങള്‍ക്ക് കോടികള്‍ വാഗ്ദാനം. ടൂർണമെന്റിന്റെ ഉദ്ഘാടന പതിപ്പിൽ പങ്കെടുക്കാൻ അവർക്ക് പ്രതിവർഷം നാലു കോടിയോളം രൂപ വരെയാണ് താരങ്ങള്‍ക്കായി ഓഫര്‍ ചെയ്തിരിക്കുന്നത് എന്ന് ദി ഏജ് റിപ്പോര്‍ട്ട് ചെയ്തു. 6 ടീമുകളുടെ ടൂർണമെന്റായ യുഎഇ ടി 20 ലീഗ് അടുത്ത വർഷം ആദ്യമാണ് ഒരുക്കിയിരിക്കുന്നത്.
34 മത്സരങ്ങളാണ് ഉദ്ഘാടന പതിപ്പില്‍ ഉണ്ടാവുക. ഇരു ടീമും പരസ്പരം രണ്ട് തവണ ഏറ്റു മുട്ടി പ്ലേയോഫ് മത്സരങ്ങള്‍ കളിക്കും. ടൂർണമെന്റിന്റെ ആദ്യ പതിപ്പ് 2022 ജനുവരിയിലും ഫെബ്രുവരിയിലുമായി നടത്താനാണ് ആദ്യം നിശ്ചയിച്ചിരുന്നത്, എന്നാൽ അത് മാറ്റുകയായിരുന്നു. പാകിസ്ഥാൻ സൂപ്പർ ലീഗിന് മുമ്പായി ജനുവരി 6 മുതൽ ഫെബ്രുവരി 12 വരെയാണ് ടൂർണമെന്റ് നടക്കുന്നത്. ബി.ബി.എല്ലിന്റെയും യു.എ.ഇ ടി-20 ലീഗിന്റെയും മത്സരങ്ങൾ ഒരുമിച്ചാവാൻ സാധ്യതയുണ്ട്. ഇത് കണക്കിലെടുത്താണ് ഓസീസ് താരങ്ങളെ വിലയ്‌ക്കെടുക്കുന്നതെന്നാണ് റിപ്പോര്‍ട്ടുകള്‍
അതേസമയം, യുഎഇ ടി20 ലീഗ് ലക്ഷ്യമിടുന്ന ഓസ്‌ട്രേലിയൻ താരങ്ങളെ കുറിച്ച് മുതിർന്ന ക്രിക്കറ്റ് വൃത്തങ്ങൾ ദ ഏജിനോടും സിഡ്‌നി മോണിംഗ് ഹെറാൾഡിനോടും പറഞ്ഞിരുന്നു. നിലവിൽ, ബിബിഎൽ കരാറില്ലാത്ത സ്റ്റാർ ഓപ്പണർ ഡേവിഡ് വാർണർ യുഎഇ ടി20 ലീഗിൽ കളിക്കുമെന്ന് പ്രതീക്ഷിക്കുന്നുത്. വലിയ കരാറുകൾ വാഗ്ദാനം ചെയ്യുന്നതിനാൽ ചില താരങ്ങളും ടൂര്‍ണമെന്‍റിനായി എത്തുമെന്നാണ് പ്രതീക്ഷ
ശ്രദ്ധേയമായി, ക്രിക്കറ്റ് ഓസ്ട്രേലിയ വാർണറുമായി ചർച്ചകൾ നടത്തുന്നുണ്ട്, അദ്ദേഹത്തെ ബിബിഎല്ലിലേക്ക് തിരികെ കൊണ്ടുവരാനുള്ള ശ്രമങ്ങൾ നടക്കുന്നുണ്ട്. ഇന്ത്യൻ പ്രീമിയർ ലീഗിന് (ഐ‌പി‌എൽ) പിന്നിൽ ലോകത്തിലെ ഏറ്റവും ഉയർന്ന പ്രതിഫലം ലഭിക്കുന്ന രണ്ടാമത്തെ യു.ഏ.ഇ ക്രിക്കറ്റ് ലീഗ് മാറുകയാണ്, യു.എ.ഇ ടി-20 ലീഗിന് പകരം ബി.ബി.എല്ലില്‍ കളിക്കണമെന്ന് താരങ്ങളെ ബോധ്യപ്പെടുത്താന്‍ ക്രിക്കറ്റ് ഓസ്‌ട്രേലിയയ്ക്ക് നന്നേ പാടുപെടേണ്ടി വരും.
